Medan de ventar...

Oppdatering av bloggen vår er ikkje førsteprioritet i desse tider. Så medan de ventar på nye bilete av dei tre små kan eg jo dele tre små anekdotar med dykk. Alle tre om Oline, 3 1/2 år, stor jente (og litt om oss andre).

1

Oline, Karl og mor har vore å mata endene i den lokale andedammen i Funder. På vegen heim køyrer det fleire bilar forbi oss. Dei får alle ein eller annan kommentar av dei små. Men Oline, som har auge for flotte, gamle, stilige bilar seier plutseleg: "Smart bil!" då ei eldre dame køyrer forbi oss - i ein Volvo 240! (Har eg greie på det? Nei. Men i allefall ein Volvo av eldre dato.) Så veit de at ho har same smak som onkelen når det handlar om bilar ;o)

2

Det er middag og alle sit rundt bordet, inkludert Ellen som sit i skråstolen. Karl vil gjerne at ho skal se på ham, og prøver å fange blikket hennar: "Hallå!", "Hu hu", "Jeg kalder på dig!" og så vidare. Isak tipser Karl om at mormor plar seie "pip pip" til det same formålet, det kan vera at det hjelper ;o) Så bryt Oline inn i samtalen og seier: "Nej, mormor gør sånn her", og så veifter ho heftig med peikefingeren! Me ler høgt, og ho forklarer: "Det sier morfar at hun gør!" Oline får med seg mykje av det oss vaksne sit og prater om ;o)

3

Den siste anekdoten handler og om kor mykje ho får med seg: Me sit rundt bordet, denne gongen til litt ettermiddagsmat. Det er juice på bordet, og Oline vil gjerne ha "jus". Mor begynner å riste litt på kartongen, men Oline seier med det same: "Nej, sånn gør man" og så får ho lov til å demonstrere. Den måten ho gjer det på vitnar om at me var lenge på Solbakk denne sommaren; Det er som å sjå morfar når han gjer seg klar til eit glas juice ;o)



Anekdotane er litt interne - ytterligare forklaringar kan de få av dei omtalte personane.

We'll be back "soon"!