Stort og smått

Ho har vorte så stor ho Oline. Ho kom heim frå skulen ein dag og ville gjerne fingerstrikke! Og etter det hadde ho konstant garn på fingrane i fleire dagar.

Så får Ellen endeleg lov til å vera med å bake! Og ho er god til å kna den jenta.

Dette var verkeleg smått, men stort; Oline har mista si første tann! Den var lita, og fall ut medan ho prata!! Og like bak stod ei stor og fin tann klar til å fylle ut holet.

En guide til Danmarks bjerge

Me har satt oss eit mål: Me vil gå på alle toppane i Danmark som er over 100 meter! Og på seinsommaren starta me med dei toppane som ligg nærast Voel (langt dei fleste toppane over 100 meter ligg i nærleiken av Silkeborg), Randershøj og Sorring Loddenhøj. (Me har allereie frå tidlegare turar vore på fleire av dei høgaste toppane i landet, så dei har me kryssa av på lista, sjølv om det var før "prosjektet" starta...;o))

Randershøj. Nokre seier at på klåre dagar kan ein sjå heilt til Randers. Me hadde kikkert med, men fekk ikkje auge på staden. Flott utsikt var det og ein fin skog å gå tur i.

Sorring Loddenhøj. Den låg ganske unnseleg bak ein gård, ved eit stort, gamalt tårn. Sjølve "højen" er freda i 2 meters radius frå steinmonumentet, men ellers var der åkrar og traktorar heile vegen rundt. Ikkje den største naturoplevinga, men me koste oss med klatring i tre og litt medbrakt niste.